राष्ट्रिय स्वतन्त्र पार्टीका सभापति रवि लामिछानेले शिर्ष नेताहरुको बैठकको साक्षी बस्नु भनेको बदनाम हुनु भएको टिप्पणी गरेका छन् ।
आज शिर्ष दलहरुको बैठक बसेर सुन प्रकरण छानबिनका लागि समितको टुङ्गो लगाउने भनिएको थियो । यसअघि शिर्ष दलहरुबिच सुन प्रकरणमा उच्च स्तरीय छानबिन समिति बनाउने सहमति जुेटेको थियो । आज सो समितिको संरचना र कार्यक्षेत्रबारे टुङ्ग्याइने भनिएपनि बैठक नै बसेन । प्रधानन्यायाधीशको शपथ र एमाले अध्यक्ष ओलीको स्वास्थ्य अवस्थालाई देखाएर बैठक सारिएपछि लामिछानेले असन्तुष्टी व्यक्त गरेका हुन् ।
उनले भनेका छन् ‘शीर्ष नेताहरुको बैठकको साक्षी बस्नु भनेकै बदनाम हुनु हो । सानो सानो कुरामा हुने यस्ता ढिलासुस्ती हामीलाई मान्य छैन ।
साथै उनले अर्को बैठकमा बस्ने नबस्नेबारे पार्टीमा छलफल गरिने समेत बताएका छन् ।
भाद्र ५, २०८० ०७:५९ मा प्रकाशित
