काठमाडौँ । आईसीसी टी–२० विश्वकप २०२४ को उपाधि इन्डियाले लिएको छ । शनिबार वेस्ट इन्डिजको व्रिजटाउनस्थित केङ्ग्सिङ्टन ओभलमा भएको खेलमा इन्डियाले दक्षिण अफ्रिकालाई ७ रनले हराउँदै उपाधि हात पारेको हो ।
टस जितेर ब्याटिङ रोजेको भारतले निर्धारित २० ओभरमा ७ विकेट गुमाउँदै १ सय ७६ रन बनाएको थियो । सो लक्ष्य बनाएको दक्षिण अफ्रिकाले निर्धारित २० ओभरमा ८ विकेटको क्षतिमा १६९ रन बनाएको हो ।
दक्षिण अफ्रिकाविरुद्धको खेलमा भारतका तर्फबाट आर्शदिप सिंहले २, जस्प्रित बुम्राहले २, अक्सर पटेलले १ र हार्दिक पाण्ड्याले ३ विकेट लिएका हुन् ।
भारतका लागि ओपनर विराट कोहलीले ७६ रन बनाए भने अर्का ओपनर रोहित शर्मा ९ रन बनाएर आउट भएका थिए । त्यस्तै अक्षर पटेलले ४७ रन, शिवम् दुबेले २७ रन, सूर्यकुमार यादवले ३ रन, रविन्द्र जडेजाले २ रन बनाएका थिए ।
आजको जितसँगै भारतले २ पटक विश्वकप जितेको छ । भारतले यसअघि सन् २००७ मा विश्वकप जितेको थियो ।
असार १५, २०८१ ११:४७ मा प्रकाशित
