पोखरा । कास्कीस्थित सूर्यदर्शन सहकारी ठगी प्रकरणमा पक्राउ परेकी लिला पछाईं धरौटी बुझाएर रिहा भएकी छन् । जिल्ला अदालत कास्कीका न्यायाधीश नीतिज राईको इजलासले लीलासहित ७ जनालाई बिहीबार धरौटीमा छोड्न आदेश दिएको थियो ।
पछाईलाई ३७ लाख धरौटी खुलाइएको थियो । हिजो अन्य ६ जनाले धरौटी बुझाएर रिहा हुँदा पछाईले भने बुझाउन सकेकी थिइन् ।
हिजो साँझ उनी कास्की कारगार चलान भएपनि आज धरौटी बुझाएर रिहा भएको जिल्ला अदालत कास्कीका सूचना अधिकारी सुरज अधिकारीले जानकारी दिए ।
पुस २६, २०८१ ०३:४६ मा प्रकाशित
