काठमाडाैँ । राष्ट्रिय स्वतन्त्र पार्टी (रास्वपा)को केन्द्रीय समिति बैठक जारी छ । पार्टी केन्द्रीय कार्यालय बनस्थलीमा बैठक भइरहेकाे हाे । पछिल्लो राजनीतिक घटनाक्रम र महामन्त्रीले पार्टीमा बुझाएको प्रतिवेदनमाथि छलफल भइरहेकाे छ ।
प्रचण्ड नेतृत्वको सरकारमा सत्ता साझेदार बनेको रास्वपा एमाले र नेपाली कांग्रेसको नयाँ गठबन्धनको सहमती भएसँगै सत्ताबाट बाहिरिने पक्कापक्की भएको छ । तर रास्वपाको मंलगबार बसेको सचिवालय ब्रैठकले पार्टीबाट सरकारमा गएका मन्त्रीहरुले तत्काल राजीनामा नदिने र सरकार गठनको प्रक्रिया अघि बढेपछि मात्रै मन्त्रालयको जिम्मेवारीबाट बाहिरिने बताएको थियो ।
प्रचण्ड नेतृत्वको सरकारमा रास्वपाका चार मन्त्रीहरु छन् । पार्टी सभापति रवि लामिछाने उपप्रधानमन्त्री तथा गृहमन्त्री, उपसभापति डोलप्रसाद अर्याल श्रम तथा रोजगार मन्त्री, सुमना श्रेष्ठ शिक्षा मन्त्री र विराजभक्त श्रेष्ठ युवा तथा खेलकुद मन्त्री छन् ।
