काठमाडौं । राष्ट्रिय स्वतन्त्र पार्टीले आन्दोलन जारी राख्ने निर्णय गरेको छ । आन्दोलन स्थगित बारे केहि सञ्चारमाध्यममा आएका समाचारमा सत्यता नभएको रास्वपाका नेताहरुले बताएका छन् ।
राजनीतिक प्रतिशोधका आधारमा सभापति रवि लामिछानेलाई पक्राउको विरोधमा निरन्तर प्रदर्शन गर्दै आएको रास्वपाले काठमाडौँ हुने आन्दोलनलाई थप सशक्त बनाउने स्वरुपका बारेमा छलफल जारी रहेपनि देशका विभिन्न जिल्लाहरुमा भने प्रदर्शन तथा मोटरसाइकल र्याली सहित आन्दोलन घोषणा गरेको छ । रास्वपाका संसदीय दलका उपनेता विराजभक्त श्रेष्ठका अनुसार उपत्यकामा केन्द्रिय सदस्य पुकार बमको संयोजकत्वमा आन्दोलन जारी रहने छ ।
यस्तै चितवनमा शनिबार प्रदर्शन हुने रास्वपाले जनाएको छ । चितवनको लायन्स चोकमा दिउसो १ बजे प्रदर्शन गर्ने रास्वपाले जनाएको छ । यस्तै महेन्द्रनगरमा आइतबार विशाल र्याली गर्ने जनाइएको छ ।
