भदौ १८, काठमाडौं । सामाजिक सञ्जालमा निकै चर्चित बनेको पेज ‘रुटिन अफ नेपाल बन्द’ बन्द भएको छ ।
उक्त पेजलाई ३० लाख बढीले फलो गरेका थिए । यो पेजका सञ्चालक बागलुङका भिक्टर पौडेल हुन् । उनलले सोमबार दिउँसो आफ्नो व्यक्तिगत फेसबुक अकाउण्टबाट बोल्ड डिसिजन लिन लागेको बताएका थिए ।
उनले लेखेका छन्, ‘अब अट्याक गर्न पर्दैन..., स्वार्थले खोलेको थिएन तै भएर बाल छैन ... बाँकी कुरा पछि गरौँला ! नाउ आई एम फ्रि...लिभ मी अलोन’
उनले यो पोस्ट राख्नेवित्तिकै ‘रुटिन अफ नेपाल बन्द’ नामक पेज हराएको हो ।
भिक्टरले कसले के कारण अट्याक (उनकै शब्दमा) गर्यो भन्ने चाहीँ खुलाएका छैनन् । यो पेजले बेला बेला बिभिन्न आरोपहरु खेप्दै आएको थियो यद्यपी युवा पुस्तामाझ उक्त पेज निकै लोकप्रिय थियो ।
भाद्र १८, २०८० १०:०६ मा प्रकाशित
