काठमाडौँ । प्रहरीले काठमाडौँबाट राष्ट्रिय स्वतन्त्र पार्टी (रास्वपा) का ५१ जना नेता कार्यकर्तालाई नियन्त्रणमा लिएको दाबी गरेको छ। बालुवाटार क्षेत्रमा प्रदर्शनमा रहेका उनीहरूलाई पक्राउ गरिएको जिल्ला प्रहरी परिसर काठमाडौँका प्रवक्ता एवम् सूचना अधिकारी नवराज अधिकारीले जानकारी दिए ।
उनकाअनुसार पक्राउ पर्नेमा ५० जना पुरुष र १ जना महिला छिन् । पकाउ परेकाहरूलाई प्रहरी वृत्त मालिगाउँ, महाराजगञ्ज, कमलपोखरी र दरबारमार्गमा राखिएको छ।
तर, रास्वपाले भने दिउँसोको २ बजेसम्म २ जना सांसदसहित २३ जना नेता कार्यकर्तालाई प्रहरीले धरपकड गरेको सहमहामन्त्री कविन्द्र बुर्लाकोटीले जानकारी दिए ।
कार्तिक १३, २०८१ ०२:३३ मा प्रकाशित
