२४ भदौ, काठमाडौं । ललिता निवास जग्गा प्रकरणमा जिल्ला अदालत काठमाडौंले १७ जनालाई धरौटीमा छोड्न आदेश दिएको छ । सोही प्रकरणमा पक्राउ परेका केशव तुलाधरलाई भने साधारण तारेखमा छोड्न आदेश दिएको छ ।
सीआईबीले बुझाएको राय सहितको प्रतिवेदनमा मुख्य योजनाकार उल्लेख गरेको भाटभटेनी सुपर मार्केटका सञ्चालक मीन बहादुर गुरुङसँग भने २ करोड ४६ लाख धरौटी माग गरेको छ । जिल्ला अदालतको आदेशमा निम्न व्यक्तिसँग निम्न अनुसारको धरौटी माग गरिएको छ । 
ललितानिवास जग्गा प्रकरणमा ३४ सय १० जनालाई प्रतिवादी बनाई जिल्ला सरकारी वकिल कार्यालय काठमाडौंले मुद्दा दायर गरेको थियो । उनीहरुमाथि कागजात किर्ते गरेको आरोपमा मुद्दा दायर भएको थियो । जसमध्ये २१ जनाको मृत्यु भइसकेको छ भने अन्य फरार छन् । अदालतले व्यक्ति र संलग्नता अनुसार भिन्दाभिन्दै धरौटी तोकेको हो ।
भाद्र २४, २०८० ०८:५० मा प्रकाशित
