नेपाल एसएमएस फ्रेन्डसिप कपको फाइनलमा पुगेको छ। बुधबार गुजरात क्रिकेट एसोसिएसनलाई ८ रनले पराजित गर्दै नेपाल फाइनलमा पुगेको हो।
एसएमएस फ्रेन्ड्सिप कप त्रिकोणात्मक टी–२० क्रिकेट शृङ्खला खेल्न हाल भारत भ्रमणमा रहेको नेपाली टोलीले गुजरातलाई आठ रनले हराएको हो । १८२ रनको लक्ष्य पछ्याएको गुजरातले २० ओभरमा ७ विकेट गुमाउँदै १७३ रन बनायो ।
यसअघि नेपालले पहिलो खेलमा गुजरातलाई ८ विकेटले र दोस्रो खेलमा बरोडा क्रिकेट एसोसिएसनलाई २७ रनले हराएको थियो । निरन्तर तेस्रो जित हात पारेसँगै नेपाल एसएमएस फ्रेन्डसिप कपको फाइनलमा पुगेको हो ।
चैत्र २१, २०८० ०६:५० मा प्रकाशित
