प्रधानमन्त्री पुष्पकमल दाहालले आफू नमर्दासम्म देशमा उथलपुथल भइरहने बताएका छन् ।
सहिद प्रतिष्ठान नेपालले सोमबार काठमाडौंमा आयोजना गरेको शान्ति प्रक्रिया, संघीय लोकतान्त्रिक गणतन्त्र र आजको राजनीतिक विषयक बृहत अन्तरक्रिया कार्यक्रममा प्रचण्डले आफुलाई सक्काउन बेला बेलामा धेरै प्रयास हुने गरेको भन्दै उनले आफु नमर्दासम्म देशमा उथलपुथल जारी रहने तर्क गरेका हुन् र
त्यस्तै उनले प्रतिक्रियावादीले आफुलाई प्रयोग गरे त्यसलाई चिर्न आफुले सक्ने र प्रतिक्रियावादीले भनेजस्तो आफु अविश्वसनिय नभएको उनले बताए । माओवादी अध्यक्ष समेत रहेका प्रचण्डले माओवादी जमेको पोखरीजस्तो नभई निरन्तरतामा रमाउने नदि भएको बताए । उनले सहीदको सपनालाइ साकार पार्दै परिवर्तनलाई संस्थागत गर्न सवै क्रान्तिकारीहरु एक ठाँउमा आउन जरुरी रहेको धारणा समेत व्यक्त गरे ।
त्यति मात्र हैन प्रधानमन्त्री पुष्पकमल दाहाल प्रचण्डले बृहतर कम्युनिष्ट एकताको पहल सुरु भएको बताएका छन् । कार्यक्रममा बोल्दै उनले बामपन्थीहरुलाई एकठाँउमा ल्याउँदै बृहतर कम्युनिष्ट एकताको पहल सुरु भएको बताएका हुन् । उनले अहिले नेपाली राजनीतिको निरन्तरतामा क्रम भंग भएको जिकिर गरेका छन् ।
