१३ असोज, काठमाडौँ । आपराधिक विश्वासघातको आरोपमा पक्राउ परेको अभिनेता अनमोल केसी चिरायु अस्पतालको बेड नम्बर ५०१ मा भर्ना भएका छन् ।
गएराति १ बजे अस्पताल पुगेका केसीलाई डा अजयकाे निगरानीमा राखिएको अस्पतालले जनाएको छ ।
अस्पतालका एक स्वास्थ्यकर्मीका अनुसार केसीको स्वास्थ्यमा समस्या भनेको देखिएको छैन् । अस्पतालको क्याबिन बेडमा रहेका केसीलाई परिवार, आफन्त तथा वकिलहरुले भेटिरहेका छन् ।
शुत्रवार पक्राउ परेको केसीलाई सिंहदरबार प्रहरी वृतको हिरासतमा राख्न लगिए पनि उनि बस्न नमानेपछि मध्यरातमा चिरायु पुर्याइएको थियो । प्रहरी वृत सिंहदरबार स्रोतका अनुसार मध्यरातसम्म पनि हिरासत छिर्न नमानेपछि प्रहरीले नै उनलाई अस्पताल लगेको हो ।
थुनुवा बिरामी भए पहिला सरकारी अस्पतालमा चेकजाँच गराउनु पर्ने, सरकारी अस्पतालले रिफर गरे मात्रै निजी अस्पतालमा लैजान पाउने कानुनी व्यवस्था छ ।
तर कानुनी उलंग्न गरेको आरोपम पक्राउ परेको केसीलाई प्रहरीले समेत कानुनीको खिल्ली उडाएर निजी अस्पतालको क्याबिनमा पुर्याएको छ ।
अहिले उनलाई महारजगञ्जस्थीत चिरायु अस्पतालमा राखिएको प्रहरीले जनाएको छ । अस्पताल स्रोतका अनुसार अनमोलको स्वास्थ्य अवस्थामा बिग्रिएको छैन ।
अस्पताल स्रोतका अनुसार प्रहरीले नै भर्ना गर्नुु पर्ने भन्दै लिएर आएपछि राति साढे १ बजेतिर भर्ना गरिएको हो ।
