असोज १० काठमाडौं । एसियन गेम्स अन्तरगत मंगोलियाविरुद्धको खेल नेपालले २७३ रनले जितेको छ ।
टी–२० अन्तर्राष्ट्रिय क्रिकेटमा यो अहिलेसम्मकै फराकिलो कीर्तिमानी जित हासिल गरेको हो ।
यसअघि चेक गणतन्त्रले टर्की माथि २५७ रनको जित हात पारेर रन अन्तरको हिसाबमा सबैभन्दा फराकिलो जितको विश्व कीर्तिमान बनाएको थियो ।
नेपालले पहिलो ब्याटिङ गर्दै ३१५ रनको लक्ष्य दिएकोमा मंगोलिया १३.१ ओभरमा ४१ रनमै अलआउट भयो ।
नेपालका लागि करण केसी, अविनाश बोहरा र सन्दीप लामिछानेले २–२ विकेट लिए ।
मंगोलियाका एक ब्याट्सम्यानले मात्रै दोहोरो अंकमा रन जोड्न सके ।
आश्विन १०, २०८० ०१:५० मा प्रकाशित
