मंसिर ७ गते दुर्गा प्रसाईँ नेतृत्वको समूह र महेश बस्नेत नेतृत्वको समूहले काठमाडौँमा गर्ने प्रदर्शनलाई लिएर काठमाडौँ उपत्यका ट्राफिक प्रहरी कार्यालयले अत्यावश्यक काममा मात्र सवारी साधन लिएर निस्कन अनुरोध गरेको छ ।
कार्यालयले बुधबार एक सूचना जारी गर्दै भोलि अत्यावश्यक काममा मात्र सवारी साधन लिएर निस्कन अनुरोध गरेको हो ।
त्यस्तै प्रहरीले उपत्यकाका विभिन्न स्थानमा विभिन्न संगठनले विरोध प्रदर्शन गर्ने भएकाले भोली सकेसम्म सवारीसाधन लिएर सडकमा ननिस्कन र निस्कनै परे प्रहरीलाई फोन गरेर मात्र निस्कन अनुरोधसमेत गरेको छ ।
आन्दोलनका कारण सवारी आवागमनमा समस्या हुने भएकाले सवारी साधन लिएर निस्कन र सडकमा निस्कन पूर्व १०० वा १०३ मा टेलिफोन गर्न र ट्राफिक एफ.एम ९५.५ मेगाहर्ज सुनी सडकको अवस्थाको जानकारी लिएर मात्र निस्कन अनुरोध गरेको छ ।
मंसिर ६, २०८० ०८:३२ मा प्रकाशित
