काठमाडौँ । दशैंका लागि खाद्यान्न भरेर राखिएका कालीमाटी र कुलेश्वरका गोदामहरू बढीको चपेटामा परेका छन् । होलसेल खाद्यान्न व्यापारीहरूको संस्था नेपाल खाद्य किराना तथा थोक व्यवसायी सङ्घकाअनुसार शुक्रबार र शनिबारको बाढीले कुलेश्वर र कालीमाटी क्षेत्रका सयौँ गोदामहरू डुबेका छन् ।
सङ्घका अध्यक्ष देबेन्द्र भक्त श्रेष्ठले होलसेलका सयौँ गोदाममा बागमति र विष्ण्मतिकाे बाढी १० फिटसम्म जमेको बताए । ‘कालीमाटी र कुलेश्वरका सबै खाद्यान्न होलसेल डुबे,’ उनले सिधाकुरासँग भने,‘ मान्छे डुबाउने १० फिटसम्म भल होलसेलमा जमेका कारण कोही पनि भित्र छिर्न सकेका छैनन् । क्षतिको कुनै यकिन गर्न सक्ने अवस्था छैन् ।’ दशैँका लागि काठमाडौँ उपत्याका र वरपरको जिल्लाहरूको खाद्यान्न नै भण्डारणमा डुबेका उनले बताए ।
आश्विन १२, २०८१ ०१:३९ मा प्रकाशित
