काठमाडौँ । राष्ट्रिय स्वतन्त्र पार्टीका सभापति रवि लामिछानेलाई आज पोखरा नलगिने भएको छ । रास्वपाका सहकोषाध्यक्ष तथा केन्द्रीय सदस्य दीपक बोहराका अनुसार रुपन्देही जिल्ला सरकारी वकिलको कार्यालयमा ढिलासम्म बयान चलेपछि लामिछानेलाई आज पोखरा लैजान नभ्याइएको हो ।
लामिछानेलाई शुक्रबार बिहान पोखरा लैजाने प्रहरीको तयारी छ ।
कात्तिक २ गते काठमाडौँबाट गिरफ्तारी दिएका लामिछानेलाई ४ पटक म्याद थप गरी जिल्ला प्रहरी कार्यालय कास्कीको हिरासतमा राखिएको थियो ।
त्यहाँबाट बुटवलको सुप्रिम सहकारी ठगीबारे अनुसन्धान गर्न रुपन्देही लगिएको थियो । रुपन्देही सरकारी वकिलको कार्यालयमा तीन दिनसम्म उनको बयान लिइएको छ ।
कार्तिक २९, २०८१ ०८:५० मा प्रकाशित
