धनुषा : धनुषामा प्रहरी हिरासतभित्र रहेका एक थुनुवाको मृत्यु भएपछि हंशपुर नगरपालिकास्थित इलाका प्रहरी कार्यालय तनावग्रस्त बनेको छ ।
सोही नगरपालिकाका वडा नम्बर ५ का दीपनारायण मण्डलको गए राति मृत्यु भएको मृतकका परिवार र आफन्तले प्रहरी कार्यालयमा तोडफोड गरेका छन् । उनीहरुले प्रहरीको मोटरसाइकलमा आगजनी समेत गरेका छन् ।
प्रहरीको कुटपिटले मण्डलको मृत्यु भएको भन्दै स्थानीयले शुक्रबार बिहानैदेखि प्रदर्शन गरेका हुन् । आक्रोसित भिडलाई नियन्त्रणमा लिन प्रहरीले अश्रु ग्याँस प्रहार गर्दा स्थानीय शंकर मण्डल घाइते भएका छन् । हातमा गोली लागेका उनको प्रादेशिक अस्पतालमा उपचार भइरहेको छ।
जिल्ला प्रहरी कार्यालय धनुषाले घटनास्थलमा अवस्था तनावग्रस्त रहेकाले नियन्त्रणमा लिने प्रयास भइरहेको बताए।
पुस ६, २०८० ०४:२२ मा प्रकाशित
