काठमाडौं । प्रतिनिधिसभाको राज्य व्यवस्था तथा सुशासन समितिले बालकुमारी घटनामा श्रम रोजगार तथा सामाजिक सुरक्षा मन्त्रालय र भौतिक पूर्वाधारमन्त्रीको भूमिकाबारे छानबिन गर्न सरकारलाई निर्देशन दिएको छ ।
सोमबार बसेको समितिको बैठक पछि समितिले कोरियाली भाषा परीक्षा दिन माग गर्दै युवाहरुले गरेको प्रदर्शनमा गोली चलेको घटनामा दुई मन्त्रीको भूमिकाबारे छानबिन गर्न निर्देशन दिएको हो ।
समितिका सभापति रामहरि खतिवडाले ‘उक्त घटना घट्न श्रम रोजगार तथा सामाजिक मन्त्रालय र भौतिक पूर्वाधार तथा यातायात मन्त्रालयरमन्त्रीको भूमिकाबारेमा समेत छानबिन गर्न निर्देशन दिने’, निर्णय भएको बताए ।
ईपिएस भाषा परिक्षाका बारेमा श्रम मन्त्रालयको कमजोरि देखिएको छ भने पूर्वाधार मन्त्रि आक्रोशित भिडमा गएका कारण घटना भएको गृहमन्त्री नारायणकाजी श्रेष्ठले नै बताएका छन् ।
यस्तै समितिमा जवाफ दिदैँ सुरक्षा निकायका प्रमुखहरुले समेत मन्त्री ज्वाला रुटको ख्यालै नगरी त्यसतर्फ गएकाले घटना भएको बताएका थिए ।
पुस १६, २०८० ०१:५० मा प्रकाशित
