रौतहट : रौतहटको फतुवा विजयपुर नगरपालिकाका एक किसानको खेतमा भित्र्याउन ठिक्क पारेको धानमा अज्ञात समूहले आगजनी गरेको छ ।
जिल्लाको फतुवा विजयपुर – २ का किसान लक्ष्मी नारायण यादवको पौने २ बिगाह खेतमा लगाएको धान शनिबार राती ९ बजेतिर आगो लगाएर पुर्ण रुपमा नष्ट पारिदिएका छन् । आगलागीबाट सबै धान जलेर खरानी भएको किसान यादवले बताए ।
खेतको धान एकै ठाउँ थुपारेर आइतबार थ्रेसर लगाउने तयारीमा रहेका किसान यादबको धानमा पेट्रोल छर्किएर आगो लगाइएको यादवको भनाइ छ ।
आगलागीबाट करिब ३ लाख बराबरको क्षति भएको छ । घटनाको बारेमा प्रहरीलाई जानकारी गराइसकेको र दोषीलाई पक्राउ गरेर कानुनी कारवाहीको दायरामा ल्याउन उनले माग गरेका छन् ।
मंसिर २४, २०८० ०५:५५ मा प्रकाशित
