भदौ ८, सुनसरी- धरानमा गोरु काटेर खाएको साथै मन्दिर अगाडि चर्च बनाएको भन्दै केही हिन्दु समर्थकले प्रदर्शनको आह्वान गरेपछि धरानको स्थानीय प्रशासनले धरान प्रवेशमा रोक लगाएको छ ।
हिन्दु समर्थकले शनिबारका लागि प्रदर्शनको आह्वान गरेपछि जिल्ला सुरक्षा समितिको बैठकले आज राति १२ बजेदेखि भोलि राति १२ बजेसम्म निषेधाज्ञा लगाएको हो ।
धरान प्रवेशमा रोक लगाएसँगै धरान प्रवेश गर्ने नाका तरहरा, नहडा, झण्डा चोक, पानबारी र भेडेटारमा सुरक्षा सतर्कता बढाइएको छ। ती स्थानबाट प्रदर्शनमा आउने प्रदर्शनकारीलाई धरान प्रवेश गर्न दिइएको छैन ।
प्रदर्शनमा भारतबाट समेत मानिसहरु आउने आशंकामा झापा, मोरङ र सुनसरीको सीमा क्षेत्रमा पनि कडाई गरिएको छ ।
भाद्र ८, २०८० ०८:४५ मा प्रकाशित
