२५ भदौ, काठमाडौं । संस्कृति, पर्यटन तथा नागरिक उड्डयन मन्त्री सुदन किराँतीले आफ्नै मान्छेहरुबाट आफूलाई नाजायज दवाव दिने र घेराबन्दीमा पार्ने कार्य भएको बताएका छन् । मुलुकमा व्याप्त विसङ्गतिहरुलाई पन्छाउन क्रियाशील रहँदै आएको बताउँदै मन्त्री किरँतीले आफ्ना मान्छेहरुबाट नाजायज दवाव आउने गरेकोप्रति दुःख व्यक्त गरे ।
‘नेपालका बौद्ध तीर्थस्थलहरु’ शीर्षक पुस्तकको यहाँ लोकार्पण गर्दै उनले मुलुकलाई धोका दिने काम नगर्ने बरु राजिनामा गर्ने बताए । ‘पटक पटकको घेराबन्दी तोड्नुभएका प्रधानमन्त्री पुष्प कमल दाहाल प्रचण्डको नेतृत्व विगतमा युद्ध लड्नका लागि मात्र हैन अहिले मुलुकका लागि समृद्धि हासिल गर्न पनि त्यतिकै आवश्यक छ,’ उनले भने ।
भाद्र २५, २०८० ०९:४५ मा प्रकाशित
