ललितपुर । ललितपुर महानगरपालिकाले भैँसेपाटिको एक मासु पसलले सडक छेउमा रोपेको रुखको हाँगा काटेबापत पाँच हजार रुपैँया जरिवाना तिराएको छ ।
महानगर प्रहरी गस्ति हिँडिरहेको अवस्थामा रुखको हाँगा काटेर बाख्राहरुलाइ खुवाएको देखेपछि जरिवाना तिराएको महानगर प्रहरी प्रमुख सिताराम हाछेथुले बताए । ‘रुखको हाँगा काटेर जरिवाना तिराएको सायद नेपालमै पहिलो होला’ , उनले भने ‘ललितपुर महानगरले वातावरण संरक्षणमा काम गरिरहेकोमा यस्तो अभ्यासले भोलि अरु ठाउँमा पनि काट्न नदिन सचेत मात्र गराएका हौँ ।’
महानगरले भर्खरै मात्र १५ सद्स्य वातावरण नगर प्रहरी बल गठन गरेर महानगरको वातावरण संरक्षणमा काम गरिरहेको छ ।
वैशाख २८, २०८१ ०३:२३ मा प्रकाशित
