काठमाडौँ । पाँचौ संस्करणको राष्ट्रिय श्रम तथा रोजगार सम्मेलन फागुन १६ र १७ गते काठमाडौंमा आयोजना हुने भएको छ ।
श्रम, रोजगार तथा सामाजिक सुरक्षा मन्त्रालयले बुधबार सिंहदरबारमा पत्रकार सम्मेलन गर्दै आन्तरिक रोजगार प्रवद्र्धन दशकको अवधारणालाई मूर्त रुप दिन राष्ट्रिय श्रम तथा रोजगार सम्मेलन आयोजना गर्न लागेको जनाएको हो ।
उत्पादन र उत्पादकत्व अभिवृद्धिका लागि आन्तारिक रोजगरा दशकको रणनीतिक कार्ययोजना उपर पृष्ठपोषण लिने र वैदेशीक रोजगारीका क्षेत्रमा देखा परेका चूनौतिहको विश्लेषण गरि आगामी नीतिगत र कानूनी परिमार्जनका लागि सुझाव लिने उदेश्यले सम्मेलनको आयोजना गरिएको मन्त्रालयका प्रवक्ता एवं राष्ट्रिय कार्यक्रम निर्देशक डण्डुराज घिमिरेले जानकारी दिए ।
सम्मेलनमा तीनै तहका सरकार, निजि क्षेत्र, ट्रेड युनियन, श्रम तथा रोजगार बिषयसंग सम्बन्धीत व्यवसायी र अनुसन्धानकर्ता, बिज्ञ लगाएत पाँच सय जनाको सहभागीता रहने उनले बताए ।
सम्मेलनले बिभिन्न अन्तर–सम्बन्धीत बिषयमा श्रमिक, रोजगारदाता र सरकारका अतिरिक्त यस क्षेत्रका विज्ञ, अध्ययन अनुसन्धानकर्ता र नीति निर्माणहरुको समेत सहभागीतामा सघन छलफलको अवसर प्रदान गर्ने मन्त्रालयले जनाएको छ ।
