सुवास नेम्वाङका दुई छोरा मिङ्सो र सुहाङ नेम्वाङले बुबालाई दागबत्ती दिएका छन् ।
उनीहरुले पशुपति आर्यघाटमा बाबु सुवास नेम्वाङलाई दागबत्ती दिएका हुन्।
नेम्वाङको हिन्दू र लिम्बू संस्कारअनुसार अन्त्येष्टि गरिएको छ भने उनलाई राजकीय सम्मानका साथ अन्त्येष्टि गरिएको छ ।
उनको पार्थिव शरीरमा प्रधानमन्त्री प्रचण्डले राष्ट्रिय झण्डा तथा एमाले अध्यक्ष ओलीले पार्टीको झण्डा ओढाएर सम्मानसहित अन्तिम बिदाई गरेका हुन् ।
गत मंगलबार काठमाडौंको बालुवाटारस्थित निवासमै बेहोस भएका नेम्वाङ उपचारका लागि त्रिवि शिक्षण अस्पताल पुर्याउँदा चिकित्सकले मृत घोषणा गरेका थिए । सोही दिन बसेको मन्त्रिपरिषद बैठकले नेम्वाङको राजकीय सम्मानका साथ अन्त्येष्टि गर्ने र अन्त्येष्टिको दिन देशभर सार्वजनिक बिदा दिने निर्णय गरेको थियो ।
भाद्र २८, २०८० ०४:५३ मा प्रकाशित
