२२ भदौ, विराटनगर । कोशी प्रदेशका नवनियुक्त मुख्यमन्त्री हिक्मतकुमार कार्कीले पद तथा गोपनियताको शपथ लिएका छन् । उनलाई प्रदेश प्रमुख पर्शुराम खापुङले शपथ ग्रहण गराएका हुन् ।
कार्कीले आजै मन्त्रिपरिषद् समेत बिस्तार गरेका छन् । कार्कीले एमालेका तिलकुमार मेन्याङ्वोलाई उर्जा, पाँचकर्ण राईलाई वन र एकराज कार्कीलाई भौतिक पूर्वाधार मन्त्रालयको जिम्मेवमरी दिएका हुन् । त्यस्तै सृजना राईलाई सामाजिक विकास राज्यमन्त्री नियुक्त गरेका छन् । उनीहरुले पनि आजै शपथ ग्रहण गरेका छन् ।
सर्वोच्च अदालतले बिहीबार दिएको परमादेशले संविधानको धारा १६८ को उपधारा (३) अनुसार मुख्यमन्त्री नियुक्त भएका कार्कीले उक्त धाराको उपधारा (४) अनुसार ३० दिनभित्र प्रदेशसभाबाट विश्वासको मत प्राप्त गर्न नसके स्वतः पदमुक्त हुने छन् ।
भाद्र २२, २०८० ११:१३ मा प्रकाशित
