भदौ १२, काठमाडौं । प्रतिनिधिसभा सदस्य तथा नेपाली कांग्रेसका महामन्त्री गगन थापाले सरकारले सांसदहरुलाई हेपेको बताएका छन् । उनले कानून न्याय तथा संसदीय मामिला मन्त्री धनराज गुरुङले संसदमा पेश गरेको केही नेपाल ऐनलाई संशोधन गर्न बनेको बिधेयक २०८० को बिरोध गर्दै, सरकारले संसदमा जे ल्याएपनि पारित हुन्छ भन्ने नसोच्न चेतावनी दिएका छन् ।
उनले यो विधेयकक २०७४ सालमा नेकपा सरकारले पेश गरेको बेलाको स्मरण गरे । ‘माननीय कानूनमन्त्रीलाई म सम्झाउँछु उहाँले त्यतिखेर यसको संसद भित्र र बाहिर जमेर बिरोध गर्नुभएको थियो । त्यो बेलामा गलत अहिले सही हुन्छ ?’
उनले भने, ‘यो विधेयकमा मुलुकी फौजदारी संहिताको संशोधनमार्फत् जघन्य अपराधमा संलग्नहरुलाई जोगाउनेगरी जुन प्रावधान ल्याइएको छ । कांग्रेसको तर्फबाट म प्रष्ट भन्न चाहन्छु राजनीतिक अपराधिकरण अपराधको राजनीतिकरण हामीलाई स्वीकार्य छैन ।’ साथै उनले यो विधेयक २०७४ पछि बनेको सरकारले ल्याएको भन्दै त्यसको भारी नबोक्न कानूनमन्त्रीलाई आग्रह समेत छन् ।
