मेडिकल व्यवसायी दुर्गा प्रसाईंको नेतृत्वमा समूहका व्यक्तिहरूले गरेको आन्दोलनमा ढुंगामुढा भएको छ । कालिमाटीबाट बल्खु हुँदै तीनकुने जान लागेको युवा संघको बाइक र्यालीमाथि प्रसाईँ समूहले ढुंगा प्रहार गरेपछि स्थिती तनावग्रस्त बनेको हो । दुबै पक्षबिच केही बेर ढुंगा हानाहान भएको थियो ।
प्रदर्शनमा सहभागीहरुले गरेको ढुंगामुडाका कारण संरचनामा समेत क्षति पुगेको छ । प्रदर्शनका लागि जम्मा भएका व्यक्तिहरूले एक्कासी ढुंगामुढा गरेका हुन् ।
अहिले प्रहरीले स्थिती नियन्त्रणमा लिएको छ । बल्खु क्षेत्रमा थप सुरक्षाकर्मी परिचालन गरिएको छ ।
मंसिर ७, २०८० ०५:१७ मा प्रकाशित
