![]( https://sidhakura.com/content/upload/post_image/hp-prachanda-deuba-and-olijpgwxckmweyw.jpg)
काठमाडाैँ । प्रधानमन्त्री पुष्पकमल दाहाल ‘प्रचण्ड’ले नेपाली काँग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीसँग भेटवार्ता गरेका छन् । आइतबार प्रधानमन्त्री निवास बालुवाटारमा प्रचण्डले उनीहरुसँग छुट्टाछुट्टै भेटवार्ता गरेका हुन् ।
सङ्क्रमणकालीन न्यायसँग सम्बन्धित विधेयकलाई निष्कर्षमा पु¥याउन उनीहरुबिच छुट्टाछुट्टै छलफल भएको बताइएको छ । उक्त छलफलमा बेपत्ता पारिएका व्यक्तिको छानबिन, सत्य निरुपण तथा मेलमिलाप आयोगसम्बन्धी विधेयकका सन्दर्भमा प्रधानमन्त्रीले प्रमुख प्रतिपक्षी दल एमालेका अध्यक्ष ओली र सभापति देउवासँग छलफल गरेको प्रधानमन्त्रीका प्रेस विज्ञ मनोहरि तिमिल्सिनाले जानकारी दिए ।
प्रतिनिधिसभाको कानुन, न्याय तथमा मानवअधिकार समितिमा बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐन, २०७१ लाई संशोधन गर्न बनेको विधेयक विचाराधीन छ । सोही विधेयकमाथि छलफल गर्न आज समितिको बैठक बस्दैछ ।
बिहान साढे ११ बजे बोलाइएको बैठक दिउँसो १ बजेसम्म पनि सुरु भएको छैन । तीन शिर्षस्थ नेताहरुको छलफलले अन्य सांसदसमेत उपस्थित नहुँदा समितिको बैठक बस्न नसकेको हो ।