१४ असोज, काठमाडौं । प्रतिनिधिसभा सदस्य तथा राष्ट्रिय स्वतन्त्र पार्टीका सभापति रवि लामिछानेले नेपाल आयल निगमको कार्यशैलीप्रति प्रश्न गरेका छन् ।
प्रतिनिधिसभाको आजको बैठकमा चाइनाबाट रिफ्रेस भएका आएका प्रधानमन्त्रीले आउनेवित्तिकै पेट्रोलियमको मूल्यबृद्धि गरेर मुड अफ गराउने कार्य गरेपनि पछि निर्णय सच्याएको मा धन्यवाद दिए । तर उनले निगमको कार्यशैलीप्रति भने प्रश्न गरेका छन् । उनले भने, ‘यो आयल निगम ब्यापर पनि आफैँ गर्छ । आयात पनि आफैँ गर्छ । नियामक निकाय पनि उही हो । सबै कुरा आफैँ गर्छ र भन्छ सधैँ घाटामा छु । कर्मचारीलाई बोनस बाँड्न पनि भ्याउँछ । तर सधैँ यो घाटामा रहन्छ । यो घाटा के हो ? सधैँ यो देशले घाटा सहिरहनुपर्ने स्थितीको निक्र्योल होस् । अनतराष्ट्रि बजारमा मूल्य बढेको कारणले आफैँ भएको हो भन्ने हो भने घटेको बेला मूल्य घटाउन २ तीन दिन कि लगाउँछ । यो कुरामा गम्भिर ध्यानाकर्षण गराउन चाहन्छु ।’
प्रधानमन्त्री पुष्पकमल दाहालले मूल्यबृद्धिको बारेमा पहिले आफूलाई जानकारी नभएको र पछि मूल्य यथावत् राख्न निर्देशन दिएको सदनलाई जानकारी गराएका छन् ।
