पाेखरा । कास्कीको पोखराको शहीद चोकमा प्रहरीले रास्वपा नेता र कार्यकर्ताहरू माथि धरपकड प्रयास गरेको छ । शहीद चोकको चौतारोमा शान्तिपूर्ण आन्दोलनमा रहेका नेता कार्यकर्ताहरूलाई हटाउन प्रहरी पुगेको छ । प्रशासनसँग अनुमति लिएर प्रदर्शन गरिरहेका नेता कार्यकर्ताहरूलाई हटाउन ठूलो सङ्ख्यामा प्रहरी परिचालन गरिएको छ । प्रहरीले केहीबेर अघि केही नेता कार्यकर्ताहरूलाई पक्राउको प्रयास गरेको थियो ।
तर, रास्वपा उपसभापतिद्वय डिपी अर्याल र डा। स्वर्णिम वाग्ले त्यसलाई सम्हालेका थिए । अहिले रास्वपाका दुई दर्जन केन्द्रिय नेताहरूलाई प्रहरीले शहीद चोकमा घेरा हालेका छन् । प्रहरी घेरामा उपसभापतिद्वय, पूर्वमन्त्री सुमना श्रेष्ठ, सांसद चन्दा कार्की, हरी ढकाल, तोसिमा कार्की, नेताहरू पुकार बम, प्रमोद न्यौपाने, कास्की रास्वपाका नेताहरू सहित एक दर्जन बढी सांसद, केन्द्रिय सदस्य र नेताहरू छन् ।
