काठमाडाैँ । नेपाली सेनाका बलाधिकृत रथी अशोकराज सिग्देललाई कायमुकायम प्रधानसेनापतिको जिम्मेवारी दिने निर्णय भएको छ। बुधबार मन्त्रीपरिषद बैठकले सिग्देललाई निमित्त प्रधानसेनापतिको जिम्मेवारी दिने निर्णय हो ।
हालका प्रधान सेनापति प्रभुराम शर्माको आगामी भदौ २४ गते कार्यकाल सकिने भएकाले त्यस अघि नै सिग्देललाई जिम्मेवारी प्रदान गरिएको हो । नेपाली सेनामा आफ्नो कार्यकाल सकिनु एक महिना अगावै बिदामा बस्ने चलन छ । सोही कारण शर्मा साउन २४ देखि बिदामा बस्ने तयारीमा छन् ।
जिम्मेवारी दिइएका सिग्देललाई भदौ २४ गते नै कमाण्ड हस्तान्तरण गर्ने जंगी अड्डाको तयारी रहेको जनाइएको छ । सिग्देलले आगामी तीन वर्ष नेपाली सेनाको कमान्ड गर्नेछन्।
श्रावण १६, २०८१ ०४:२२ मा प्रकाशित
