१३ असोज दाङ । राष्ट्रिय स्वतन्त्र पार्टीका केन्द्रिय सदस्य क्रान्तिशिखा धितालले पुराना दल र नेताहरूले कार्लमार्क्सको सिद्धान्त र छापामारको भेष देखाएर जनतालाई ब्ल्याकमेल गरिरहेको बताएकी छिन् ।
दाङको घोराहीमा सुरु भएको पार्टीको नगर अधिवेशनलाई सम्बोधन गर्दै धितालले पुराना दलका नीति र नेताले विचार र सिद्धान्तको नाममा जनतालाई ब्ल्याकमेल गर्दै संसद्मा छिरेर जनताको विश्वासघात गरेको बताएकी हुन् ।
धितालले भनिन्, 'परम्परागत राजनीति लागूऔषध जस्तै हो, त्यसको कुलतमा फसेका नेताहरूले जनतालाई गरिबी, भ्रष्टाचार र बेरोजगारीको दलदलमा फसाए '।
आफ्नो गृह जिल्ला दाङमा अन्य दलका शिर्ष नेताहरुलाई इंकित गर्दै धितालले भगवानका नाम हुँदैमा कुनै पनि नेताले देशलाई स्वर्गन नबाउने बताइन् ।
उनले भनिन्, 'भगवानको नाममा गरेको नेता हुँदैमा देश स्वर्ग नहुने रहेछ, देश स्वर्ग बन्न त नेताले इमानदार भएका काम गर्नु पर्छ' ।
धितालले डाँडामा गएर भ्यु टावर बनाउने भिजन भएका नेताका कारण गाँउमा युवा भेटिन् छाडेको उल्लेख गरिन् ।
