काठमाडौँ । भैरहवा बिमानस्थलबाट लामिछानेलाई जिल्ला सरकारी वकिलको कार्यालयमा बयानका लागि लगिएको छ । सहकारी ठगी, संगठित अपराध र सम्पत्ति शुद्धीकरणमा २६ दिनदेखि कास्की प्रहरी हिरासतमा रहेका लामिछानेलाई पोखराबाट विमानमार्फत भैरहवा पुराइएको हो ।
बुटवलमा रहेको सुप्रिम सहकारीको रकम अपचलनमा अनुसन्धान गर्न प्रहरीले उनलाई भैरहवा लगेको हो । उनलाई भैरहवा पुर्याउनु अगावै विमानस्थल गेट बाहिर रास्वपाका नेता–कार्यकर्ताले प्रदर्शन गरेका छन् ।
लामिछानेलाई भैरहवा पुर्याएपछि बिहानैबाट गौतमबुद्ध अन्तर्राष्ट्रिय विमानस्थल तथा भैरहवा क्षेत्रमा सुरक्षा व्यवस्था कडा बनाइएको थियो ।
कार्तिक २७, २०८१ ०२:०९ मा प्रकाशित
