कास्की । कास्की प्रहरी कार्यालय भित्रको तस्वीर सार्वजनिक गरेको आरोपमा पक्राउ परेर छुटेका डा.निकोलस भुसाललाई कास्की प्रहरीले फेरि पक्राउ गरेको छ । कास्की प्रहरीको हिरासतमा रहेका बेला राष्ट्रिय स्वतन्त्र पार्टी (रास्वपा) का सभापति रवि लामिछाने सुतिरहेको तस्वीर प्रहरीकै कन्ट्रोलरुमबाट खिचेर भुसालले सार्वजनिक गरेका थिए ।
तस्विर सार्वजनिक भएसँगै प्रहरीको भूमिकामाथि प्रश्नउठेपछि कास्की प्रहरीले साइबर अपराधको आरोपमा भुसाललाई पुस ७ गते नियन्त्रणमा लिएको थियो । तर कास्की जिल्ला अदालतले उनलाई थुनामा राख्न म्याद दिएको थिएन । तस्विर भाइरल भएपछि भुसाल आफैले तस्बिर खिचेर सार्वजनिक गरेको बताएका थिए ।
कास्की प्रहरी स्राेतका अनुसार सोहि मुद्दा शुक्रबार अदालतमा पेश गरिने भएकाले आज भुासाललाइ नियन्त्रणमा लिएको हाे ।
माघ ३, २०८१ ०९:४१ मा प्रकाशित
