धादिङ । राष्ट्रिय स्वतन्त्र पार्टी (रास्वपा) का सभापति, पूर्व उपप्रधान एवम् गृहमन्त्री रवि लामिछानेलाई पोखरा लगिँदैछ । पार्टी कार्यालयमा साँझ पौने ७ बजे गिरफ्तारी दिएपछि लामिछानेलाई स्थलमार्ग भएर पोखरा लगिँदैछ ।
उनीलाई लिएर गएको प्रहरीको गाडी यतिबेला धादिङको मलेखुबाट अघि बढेको छ । रवि सवार प्रहरीको गाडीलाई प्रहरीको भ्यानले अघि र पछिबाट स्कटिङ गरेको छ भने उनीसँगै पार्टीका नेता र कार्यकर्ता पोखरा जाँदैछन् ।
पोखरा जाँदै गर्दा बाटो बाटोमा उनको समर्थनमा पार्टीका नेता कार्यकर्ता राजमार्गमा भेला भएका छन् । उनीहरूलाई प्रहरीले अवरोध र धरपकड गरिरहेको सिधाकुराका सम्वाददाता विष्णु ढुङ्गाना र लक्ष्मण गिरीले स्थलगत रिपोर्टिङमार्फत जानकारी दिएका छन् ।
धादिङको गल्छीमा भेला भएका रास्वपा कार्यकर्तालाई प्रहरीले अवरोध गरेको छ । चितवनबाट मुग्लिन आउँदै गरेका रास्वपा समर्थकलाई राजमार्ग नै अवरुद्ध गरेर जुगेडीमा रोकिएको छ ।
