हामी आयौँ
प्रिय
पाठक, श्रोता र दर्शकहरु
हामी तपाईंहरुको सूचनाको हक स्थापित गर्न सिधाकुरा लिएर आएका छौँ । जनताको कुरा जनताको भाषामा सिधै, निश्पक्ष र सत्यमा आधारित भएर भन्न अब हामी तयार भएका छौँ । पत्रकारिताको विश्वब्यापी मूल्य र मान्यतामा रहेर पत्रकारिता गर्ने प्रण हाम्रो पाठक समक्ष गर्दछौँ ।
कुनै दल, वाद, धर्म, जात तथा वर्ग र सरकारको पक्षपोषण नगरी जनताको समस्या, मुद्दा र पीडामा केन्द्रित भएर पत्रकारिता गर्न हामीले नयाँ सुरुवात गरेका हौँ । सिधाकुरा अनलाइनमा पढ्न, भिडियोमा हेर्न र पोडकास्टमा सुन्नका लागि उपलब्ध हुनेछ ।
हामी सूचनाका लागि मात्रै नभई पत्रकारिताको गुणस्तर वृद्धिमा देखिने गरी सञ्चार कर्म निभाउने वाचा गर्दछौँ । सूचनाको गहिराइमा पुगेर, उच्चस्तरीय प्रविधि प्रयोग गर्दै गुणस्तरीय समाचार सन्देश हाम्रा पाठक, स्रोता र दर्शकलाई पस्किन हामी सक्षम छौँ । हाम्रो यो अभियानमा देश विदेशमा रहनु भएका सबैबाट आलोचनात्मक र रचनात्मक सल्लाह–सुझाव र साथको अपेक्षा राख्दछौँ ।
धन्यवाद ।
अध्यक्ष सिधाकुरा मिडिया नेटवर्क प्रा.लि.
