काठमाडाैँ । मलेसियामा हुने आईसीसी यू–१९ महिला टी २० विश्वकप खेल्न जाने नेपाली टोलीको बिदाई गरिएको छ । नेपाल क्रिकेट संघ क्यानले शुक्रबार उनीहरुलाई बिदाई गरेको हो ।
आउँदो माघ ५ गतेदेखि हुने खेलमा सहभागी हुने खेलाडीलाई युवा तथा खेलकुदमन्त्री तेजुलाल चौधरी, क्यानका उपाध्यक्ष रोशन सिंह, सचिव पारस खड्का लगायत क्यानका पदाधिकारीले शुभकामना दिँदै बिदाई गरेका हुन् । शुक्रबार बिदाई भएको टोली शनिबार त्यसतर्फ प्रस्थान गर्नेछ ।
पूजा महतोको कप्तानी रहेको टोलीमा सोनी पाख्रिन, साना प्रविन, ज्योत्सनीका मरासिनी, कुसुम गोदार, अलिशा कुमारी यादव,सावित्रा धामी, तृषना विक, किरन कुमारी कुवँर, रिया शर्मा, रचना चौधरी, सिमाना केसी, स्नेहा महरा, अनु कडायत र कृष्मा गुरुङ रहेका छन् ।
पुस २६, २०८१ ०१:०२ मा प्रकाशित
