काठमाडौँ । नेपाल आयल निगमले बाढीले बगाएर च्यासल पुलमा अडकिएको ग्यास बुलेटमा खतराको अवस्था नटरिसकेको जनाएको छ । बालकुमारीको भ्याली अटो ग्यास प्रालिको ग्यास बुलेट बिहान बाढीले बगाएको थियो ।
उक्त बुलेट हालसम्म च्यासलको पुलमा अड्किएको छ। सो बुलेटमा भएको ग्यास चुहिएर सकिएको निगमले विज्ञप्तिमार्फत जनाएको छ । ‘बुलेटको ग्यास सकिए पनि त्यहाँबाट सो बुलेट नहटाएसम्म बुलेट नजिक अग्निजन्य पदार्थ प्रयोग नगरिदिनुहुन अनुरोध गरिन्छ,’ निगमले भनेको छ । सो क्षेत्रमा अझै ग्यासको गन्ध आइरहेको स्थानीयवासीहरूले बताएका छन् ।
आश्विन १२, २०८१ ०२:०३ मा प्रकाशित
