काठमाडौँ । सरकारी पीडितहरुले आज काठमाडौँका बिभिन्न स्थानहरुमा प्रदर्शन गर्दै छन् । उनीहरुले काठमाडौँका ५ स्थानमा प्रदर्शन गर्न लागेका हुन् ।
उनीहरुले काठमाडौँको चाबहिल चोक, गठ्ठाघर चोक, पुल्चोक डबली, कालिमाटी र सोह्रखुट्टे चोकमा जम्मा हुने बताएका छन् ।
‘सहकारी बचतकर्ता संरक्षण राष्ट्रिय अभियान’ नामबाट सहकारी पीडितहरुले बचत रकम फिर्ताको माग गर्दै काठमाडौं केन्द्रित आन्दोलन गर्ने भएका हुन् ।
उक्त आन्दोलनलाई राष्ट्रिय स्वतन्त्र पार्टी ९रास्वापा०ले ऐक्यवद्धता जनाएको छ । रास्वपाले मंगलबार विज्ञप्ती जारी गर्दै सहकारी पीडितको आन्दोलनमा ऐक्यवद्धता जनाउने निर्णय गरेको जानकारी गराएको थियो ।
सहकारी समस्याको मूल कारण नै फितलो कानुन, भएको कानूनको इमान्दार कार्यान्वयन नहुनु, पटकपटक बचतकर्ताहरुलाई आश्वासनको भरमा अभियान असफल पार्न राज्य नै लाग्नु रहेको राष्ट्रिय स्वतन्त्र पार्टीको ठहर छ ।
