१० भदौ, काठमाडौं । जिल्ला सरकारी वकिलको कर्यालय ललिता निवास प्रकरणसम्बन्धी मुद्दा जिल्ला अदालत काठमाडौंमा दर्ता गरेको छ । सो प्रकरणमा २९० जनालाई प्रतिवादी बनाइएको सरकारी वकिलको कार्यालयले जनाएको छ । जसमा ४ पूर्वमन्त्री समेत छन् ।
उनीहरुलाई किर्ते गरी सरकारी जग्गा व्यक्तिको नाममा पुर्याइएको कसूरमा मुद्दा दायर गरिएको हो । यसअघि सीआईबीले सरकारी कागज किर्ते र संगठित अपराधमा समेत अनुसन्धान गरेको थियो । तर सरकारी वकिलको कार्यालयले भने किर्ते अभियोगमा मात्र मुद्दा दायर गरेको हो ।
ललिता निवासको १ सय ४३ रोपनी जग्गा बिभिन्न चरणमा अतिक्रमण भएको पाइएको छ ।
भाद्र १०, २०८० ०४:४८ मा प्रकाशित
