काठमाडाैँ : १४ किलो सुन प्रकरणमा प्रहरीले त्रिभुवन विमानस्थलका सरसफाई सुपरभाइजर सुशीला पाण्डेलाई पक्राउ गरेको छ ।
२१ मंसिर राति दुबईबाट काठमाडौँ आएको जहाजमा गोरखाका चन्द्र घले १४ किलो सुनसहित पक्राउ परेका थिए । उक्त सुन तस्करी प्रकरणको अनुसन्धानका क्रममा पाण्डेको संलग्नता देखिएका कारण उनलाई प्रहरीले पक्राउ गरेको हो ।
घलेले विमानबाट ओर्लिएर अध्यागमनको वाकथ्रु गेटमा जानुअघि नै विमानस्थलको शौचालयमा सुन राख्ने र त्यहाँबाट फोहोरको रुपमा सरसफाई गर्ने कर्मचारीमार्फत बाहिर निकाल्ने योजनासहित आएको अनुसन्धानबाट खुलेका कारण उनलाई पक्राउ गरिएको हो ।
पाण्डेलाई प्रहरीले बुधबार राति भक्तपुरबाट पक्राउ गरेको हो ।
मंसिर २८, २०८० ०६:०९ मा प्रकाशित
