काठमाडौँ । काठमाडौँको कागेश्वरी मनहरा–५, सानोथलीमा मंगलबार बिहान मृत भेटिएका पुरुषको पहिचान खुलेको छ । मुख ढाकिएको अवस्थामा मृत फेला परेका उनी भक्तपुर–७ छालिङका ५२ वर्षीय कृष्ण नगरकोटी रहेको प्रहरीले जनाएको छ ।
प्रहरीले उनको साथमा रहेको सवारी चालक अनुमति पत्रका अनुसार उनको पहिचान गरेको हो । मंगलबार बिहान साढे पाँच बजेतिर मृत अवस्थामा फेला परेका उनको मृत्यु शंकास्पद देखिएकाले प्रहरीले पोस्ट मार्टमका लागि उनको शव त्रिवि शिक्षण अस्पताल पठाएको छ ।
मुलपानीबाट थलीतर्फ जाने सडकको किनारमा मृत फेला परेका उनको घाँटी काटिएको छ । त्यस्तै थली प्रहरीका अनुसार उनको शव नजिकै ब्लेडसमेत फेला परेको छ । त्यस्तै घटनाबारे अनुसन्धान भइरहेको प्रहरीले बताएको छ।
जेष्ठ ८, २०८१ १०:४२ मा प्रकाशित
