काठमाडौँ । राष्ट्रिय स्वतन्त्र पार्टीका सभापति रवि लामिछानेविरुद्ध चितवनबाट पक्राउ पुर्जी जारी भएको छ । जिल्ला अदालत चितवनका न्यायाधीश दयाराम ढकालले रविविरुद्ध पक्राउ पुर्जी जारी गर्न अनुमति दिएका हुन् ।
जिल्ला प्रहरी कार्यालय चितवनका प्रहरी निरिक्षक लक्ष्मण केसीले रविसँगै पूर्वडीआईजी छविलाल जोशी लगायत १० जनाविरुद्ध पुर्जी जारी भएको जानकारी दिए । ‘दुई जना थुनामै हुनुहुन्छ । अन्य व्यक्तिहरु भाग्ने सम्भावना भएकाले नाम खुलाएका छैनौँ ।’ निरिक्षक केसीले भने, ‘उहाँहरुलाई चितवन ल्याउनेबारे छलफल भईरहेको छ ।’
चितवनको साहारा सहकारी पीडीतहरुको जाहेरी पछि छानबिनका लागि पक्राउपुर्जी जारी भएको हो । रवि लामिछाने अहिले जिल्ला प्रहरी कार्यालय कास्कीको हिरासतमा छन् ।
मंसिर ७, २०८१ ०७:४९ मा प्रकाशित
