नेकपा एमाले शिर्ष नेताहरु चढेको बुद्ध एयरको जहाज जनकपुर विमानस्थलमा अवतरण हुन नसकेपछी काठमाडौ फर्कीएको छ ।
बुद्ध एयरकाे उडान नम्बर ५०१ को जहाज (9N - AJO) मा अटोपाइलट सिस्टममा प्राविधिक समस्या देखिएको छ ।
सिरहामा हुने सचिवालय बैठकमा सहभागी हुन वरिष्ठ उपाध्यक्ष ईश्वर पोखरेल, उपाध्यक्षहरु सुवास नेम्वाङ, युवराज ज्ञवाली, विष्णु पौडेल, अष्टलक्ष्मी शाक्य, उपमहासचिव प्रदीप ज्ञवाली, विष्णु रिमाल, नेता अमृत बोहरा लगायत बुद्ध एयरको विमानमा जनकपुर जाँदै थिए ।
तर जनकपुर विमनस्थलमा अवतरण गर्नु पुर्व जहाजमा प्राविधिक समस्याका कारण अवतरण हुन नसक्ने भन्दै काठमाडौं फर्काइएको विमान सवार एमाले उपाध्यक्ष सुवास नेम्वाङले बताए ।
सिरहामा हुने सचिवालय बैठकमा अध्यक्ष केपी शर्मा ओली पनि सहभागी हुने छन् । तर उनि विराटनगरबाट सिराह आउँदै छन् ।
बुद्ध एयरको विमानस्थल कार्यालयका अनुसार जहाजको ‘अटोपाइलट सिस्टम’मा प्राविधिक समस्या देखिएपछि पाइलटले जहाजलाई काठमाडौं नै फर्काउने निर्णय लिएका हुन् ।
