काठमाडौँ । मकवानपुरको बकैया गाउँपालिकाको कान्तिराजपथ सडकमा कार दुर्घटना हुँदा तीन जना गम्भीर घाइते भएका छन।
ललितपुरबाट हेटौंडातर्फ जाँदै गरेको ग३च ९४७५ नम्बरको कार कान्तिलोकपथ सडकखण्ड अन्तरगत बकैया– १२ ठिङ्गनामा दुर्घटनामा परेको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।
भण्डारीका अनुसार दुर्घटनमा बारा निजगढ नगरपालिका वडा नम्बर ६ बस्ने ३० वर्षको सन्दिप शाह, रौतहट मौलापुर नगरपलिकका ६ बस्ने १७ वर्षका विबेक शाह, भिमफेदी गाउपालिका वडा नम्बर ८ बस्ने ६५ वर्षका प्रेम बहादुर ब्लोन घाइते भएका छन् । उनीहरुको हेटौंडामा उपचार भैरहेको छ भने अवस्था गम्भिर रहेको प्रहरीले जनाएकाे छ ।
जेष्ठ ५, २०८१ ११:३२ मा प्रकाशित
