काठमाडाैँ । प्रतिनिधिसभाका सभामुख देवराज घिमिरेले सहकारी छानविन समितिको प्रतिवेदनलाई सरकारले पूर्णरुपमा कार्यान्वयन गर्ने विश्वास व्यक्त गरेका छन् ।
बुधबार सिंहदरबारमा सहकारी संस्था बचत रकम दुरुपयोग सम्बन्धमा संसदीय छानबिन विशेष समितिको काममा योगदान दिएकाहरुलाई सम्मान पत्र प्रदान गर्दै सभामुख घिमिरेले सरकारले प्रतिवेदन चाँडै कार्यान्वयन गर्ने र सहकारी क्षेत्रमा देखिएको समस्या समाधान हुने विश्वास व्यक्त गरे ।
कुनै व्यक्ति विशेष वा घटनमाथिमात्रै केन्द्रीत नभइ समग्र सहकारी क्षेत्रको समस्या उजार गर्न समितिले सफलतापूर्वक काम गरेको उनले बताए । समितिले तीन महिना १५ दिनमा काम गरेर ऐतिहासिक महत्व राख्ने प्रतिवेदन तयार गरेकाले सम्मान गरिएको उनले बताए ।
त्यस्तै छानविन समितिका संयोजक सूर्य थापाले सहकारी क्षेत्रमा देखिएको समग्र समस्यालाई प्रतिवेदनमार्फत उजागर गरिएको बताए । उनले प्रतिवेदन नपढिकनै विभिन्न टिका टिप्पणी हुने गरेकाले एकपटक पढेर धारणा बनाउन सुझाव दिए । प्रतिवेदनमार्फत जवाफदेहिताको माग गरिएको थापाले बताए ।
