झापा । झापाको अर्जुनधारा नगरपालिका ५ मा १५ वर्षीया नाबालिगमाथि सामूहिक बलात्कार गरेको आरोपमा झापा प्रहरीले ६ जनालाई पक्राउ गरेको छ । झापा प्रहरीका अनुसार घटना शुक्रबार रातिको हो ।
जिल्ला प्रहरी कार्यालय झापाका डीएसपी कृष्णकुमार चन्दका अनुसार घटनामा संलग्नतना देखिएको आरोपमा अर्जुनधारा नगरपालिका ५ का १९ वर्षीय अनिष लिम्बू, अर्जुनधारा ८ का ३४ वर्षीय सरोज राई र २५ वर्षीय केशव मगर, अर्जुनधारा ८ का १९ वर्षीय सुनील राजवंशी र सुदीप श्रेष्ठ र सुजन डाँगीलाई पक्राउ परेका छन् भने सञ्जीव तामाङ अझै फरार रहेका छन् ।
झापा प्रहरीका अनुसार नाबालिका माथि शुक्रबार साँझ नयाँ बजारस्थित बाख्रा हाटमा र राति ११ बजे लंका होटल एण्ड रिर्सोटमा बलात्कार भएको थियो ।
भाद्र ९, २०८१ १२:०८ मा प्रकाशित
