इलाम । इलाम २ मा बैशाख १५ गते हुने उपनिर्वाचनको वाम गठबन्धनका सुहाङ नेम्बाङले मनोनयन दर्ता गराएका छन् । सुहाङका प्रस्तावकमा रामप्रसाद सुवेदी र समर्थकमा धीरेन्द्र शर्मा रमण छन् ।
सुहाङ सुवासचन्द्र नेम्वाङका कान्छा छोरा हुन् । उनीसँगै हालसम्म इलाम २ को उपनिर्वाचनका लागि ७ जनाले उम्मेदवारी दर्ता गराएका छन् । जसमा जनमत पार्टीका उम्मेदवार प्रेमकुमार थाम्सुहाङ (प्रेमदिप), नेपाल मजदुर किसान पार्टीका श्याम दर्जी, स्वतन्त्र उम्मेदवार डाकप्रसाद गौतम, पहिचानवादीका डाकेन्द्रसिंह थेगिम, एकीकृत समाजवादीका जीतबहादुर राईले लगायत रहेका छन् ।
चैत्र २४, २०८० ०२:४३ मा प्रकाशित
