‘हाम्रो उपस्थितिले फरक पर्नेछ’
सिधाकुरा डटकमले आजबाट आफ्नो औपचारिक प्रकाशन आरम्भको गौरवमय ३६५ दिन पुरा गरेको छ । बि.सं. २०८० भदौ ४ गते साँझ ठिक ७ बजे हामीले हाम्रो औपचारिक प्रकाशन आरम्भ गरेका थियौँ । जनताको कुरा जनताले बुझिने भाषामा, सञ्चारको आधुनिक माध्यममार्फत सिधै भन्नुपर्छ भन्ने मान्यताका साथ हामीले ‘भ्वाइस् अफ पब्लिक’ अर्थात ‘जनताको आवाज’ भन्न सिधाकुराको यात्रा थालनी गरेका थियौँ ।
सीमित स्रोत र साधनका बीच उच्च मनोबल र युवा अनुभवको भरपुर उपयोग गर्दै सिधाकुराले यो एक वर्षमा कयौँ आवाजविहीनहरूको आवाजलाई मूल मुद्दा बनाएको छ । भ्रष्टाचार, अनियमितता र पदीय दुरुपयोग विरुद्ध खरो प्रहार, अपराध निरुत्साहन, सीमान्तकृत, पिछडिएका र आवाजविहीन नागरिकहरूको आवाजलाई हाम्रो मूलधार बनाएर सञ्चार गरिरहेका छौँ । विद्यमान अनलाइन पत्रकारिताको अभ्यासलाई ‘डिजिटल न्यू मिडिया’मा सृजनात्मक ढङ्गबाट जोडेर पाठकमाझ फराकिलो यात्रा सिधाकुराले यो एक वर्षमा तय गरेको छ । ‘न्यू डिजिटल मिडिया’मा समाचार कसरी भन्ने भन्ने मानक सिधाकुरा हो भन्ने कुरामा गर्व गर्दछौँ । पत्रकारिताको यो स्वर्णिम ३६५ दिनको आरोह र अवरोहपूर्ण सिधाकुराको यात्राका सहयात्री तपाईँ सम्पूर्ण पाठक, दर्शक र हाम्रा शुभेच्छुकहरूप्रति हामी हार्दिक नमन गर्दछौँ । पत्रकारिता गर्ने परम्परागत र नयाँ सयौँका सङ्ख्यामा हामी पृथक छौँ, पृथक हौँ । हाम्रो उपस्थितिले फरक पर्नेछ । यहाँहरू सबैलाई धन्यवाद !
-
Dhiraj Mahara 5 months agoसिधाकुराले अन्याय आत्याचार र भुइ मान्छेका मुद्दाहरुलाइ नछोडोस।श्रमको सम्मन नभए पछि बिदेशीएका म जस्ता हजारौ युवाहरुको आवाज बनेस्। नेपाली संचार जगद छुट्टै नाम बनावोस्। सिधाकुरा जनता संग हुँदै यहाँ सम्म पुगेको सिधाकुरा भबिस्यमा एक टेलिभिजनको रुपमा परिणत होस् । शुभकामना 🙏
-
Shivs Hari Aryal 5 months agoअझै ससक्त र निडर भएर अगाडी बढ्नुस शुभकामना सम्पुर्ण टिमलाई।
-
dhansingh thapa 5 months agoअझै ससक्त र निडर भएर आगाडी बढ्नुस । शुभकामना
