काठमाडौँ । सिंहदरबारमा प्रतिपक्षी दलहरुको बैठक जारी छ । नेकपा (माओवादी केन्द्र) को संसदीय दलको कार्यालयमा बिहिबार दलहरुको बैठक बसेको हो ।
शुक्रवारबाट सुरु हुने संसदको हिउँदे अधिवेशनको तयारीको विषयमा छलफल गर्नका लागि विपक्षी दलका नेताहरु भेला भएका हुन् । संसद चल्दै गर्दा आफूहरुको साझा अडान के विषयमा हुने भन्ने विषयमा छलफल भइरहेको एक नेताले बताए ।
जारी बैठकमा विपक्षी दलहरुले सरकारले संसद छलेर ल्याएको अध्यादेश, विधेयक लगायतका विषयमा खरो प्रतिवाद गर्ने विषयमा पनि छलफल भइरहेको छ ।
बैठकमा नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एसका अध्यक्ष माधव कुमार नेपाल, राष्ट्रिय स्वतन्त्र पार्टीका कार्यवाहक सभापति डिपी अर्याल, नारायणकाजी श्रेष्ठ, देव गुरुङ, स्वर्णिम वाग्ले र सन्तोष परियार, वेदुराम भुसाल, महेन्द्रराय यादव लगायत नेताहरु उपस्थित छन् ।
