काठमाडौँ । बलात्कार मुद्दामा न्यायाधीश भुवन गिरीलाई काठमाडौं जिल्ला अदालतले दोषी ठहर गरेको छ । न्यायाधीश दुर्गाबहादुर भुषालको इजलासले गिरीलाई दोषी ठहर गरेको हो । दोषी ठहर भएपनि सजाय भने निर्धारण गरिएको छैन । सजाय निर्धारणका लागि २८ जेठका लागि सुनुवाई तोकिएको छ ।
उनीमाथि वैवाहिक बलात्कारको आरोप लागेको थियो । यसअघि जिल्ला अदालत र उच्च अदालतले उनलाई धरौटीमा छाड्ने आदेश दिएको थियो । चैत २१ गते सर्वोच्चका न्यायाधीशहरु हरि फूयाल र तिलप्रसाद श्रेष्ठको इजलासले धरौटीमा छाड्ने जिल्ला अदालत र उच्च अदालतको आदेश बदर गर्दै उनलाई थुनामा पठाउने आदेश दिएको थियो । त्यसपछि उनी थुनामा पुगेका थिए ।
गिरीकी पत्नीले आफूूमाथि बलत्कार भएको भन्दै गिरीविरुद्ध जोहेरी दिएकी थिइन् । सूरु देखिनै जोहरी दर्ता नगरेको, पक्राउ नगरेको भन्दै आन्दोलन गर्दै आएकी गिरीकी पत्नीले पक्राउपछी धरोटीमा छाड्ने अदालतको आदेशमा पनि असहमती जनाउँदै आन्दोलन गरिरहेकी थिइन् ।
